பிரபல காமெடி நடிகையான வித்யுலேகா ராமன், கௌதம் மேனன் இயக்கத்தில் வெளியான “நீ தானே என் பொன் வசந்தம்” திரைப்படம் மூலம் தமிழ் சினிமாவில் கால் பதித்தார். அதன் பின்னர் புலி, ஜில்லா, வீரம் என பல படங்களில் நடித்து ரசிகர்களின் வரவேற்பை பெற்றார். தமிழ் சினிமா மட்டுமின்றி தெலுங்கு சினிமாவிலும் பிஸியாக நடித்து வந்தார்.
பின்னர் தனது உடல் எடையை குறைத்து கட்டான கவர்ச்சியில் வலம் வரவேண்டும் என ஆசைப்பட்ட வித்யுலேகா கடின உடற்பயிற்சி மூலம் ஓரளவிற்கு உடலை குறைத்து அடிக்கடி கவச்சியான புகைப்படத்தை தனது இன்ஸ்டாகிராம் பக்கத்தில் பதிவிட்டு வந்தார். சில சமயங்களில் ஒர்க் அவுட் குறித்த டிப்ஸ்களை ரசிகர்களுக்கு கூறி வந்தார்.
இந்நிலையில் வித்யுலேகா, சஞ்சய் என்பருடன் அவருக்கு ஆகஸ்ட் 26ம் நிச்சயதார்த்தம் நடைபெற்றுள்ளது. சஞ்சய் (Fitness and Nutrition expert ) ஆக உள்ளார்.
இந்த விழாவில் நெருங்கிய நண்பர்கள் மற்றும் குடும்பத்தினர் மட்டுமே கலந்து கொண்டு கொரோனா வைரஸ் பரவுவதைத் தடுப்பதற்காக அனைத்து அரசாங்க வழிகாட்டுதல்களையும் பின்பற்றி நிகழ்வு நடைபெற்றது என கூறி வருங்கால கணவருடன் எடுத்த அழகிய புகைப்படங்களை வெளியிட்டுள்ளார். ரசிகர்கள் பலரும் வாழ்த்துக்கள் தெரிவித்து வருகின்றனர்.