லோகேஷ் கனகராஜ் இயக்கத்தில் தளபதி விஜய் நடித்துள்ள படம் மாஸ்டர். இப்படத்தின் கதாநாயகியாக மாளவிகா மோகன் நடிக்கிறார். மேலும் விஜய் சேதுபதி வில்லனாகவும், சாந்தனு, ஆண்ட்ரியா, கௌரி கிஷன் ஆகியோர் முக்கிய வேடங்களில் நடித்துள்ளனர். அனிருத் இசையமைத்துள்ளார்.
மாஸ்டர் திரைப்படத்தின் அனைத்து பாடல்களும் பெரிய ஹிட். கடந்த மார்ச் மாதம் வெளியாகி ரசிகர்களிடையே நல்ல வரவேற்பைப் பெற்றது. வாத்தி கம்மிங், வாத்தி ரெய்டு, அந்த கண்ண பார்த்தாலே, பொளக்கட்டும் ஆகிய பாடல்களின் லிரிக்கல் வீடியோகள் வெளியாகி நல்ல வரவேற்பைப் பெற்றது. குறிப்பாக தளபதி விஜய் அவர்கள் பாடிய “குட்டி ஸ்டோரி” பட்டி தொட்டி வரை பெரிய ரீச்.
இந்நிலையில் மாஸ்டர் திரைப்படம் புதிய சாதனை படைத்துள்ளது. மாஸ்டர் படத்தின் பாடல்கள் 350 மில்லியன் பார்வைகளைக் கடந்து மிகப்பெரிய சாதனை படைத்துள்ளது. இதைப் படக்குழுவினர் மற்றும் தளபதி விஜய் ரசிகர்கள் சமூக வலைத்தளங்களில் பகிர்ந்து கொண்டாடி வருகின்றனர்.