அஸ்வத் மாரிமுத்து இயக்கத்தில் அசோக் செல்வன் நடித்திருந்த “ஓ மை கடவுளே” படம் பிப்ரவரி 14ம் தேதி வெளியானது. ரித்திகா சிங் காதனையாகியகவும், வாணி போஜன் இரண்டாவது கதாநாயகியாக நடித்தார். மேலும் இப்படத்தின் கெஸ்ட் ரோலில் நடிகர் விஜய் சேதுபதி மற்றும் ரமேஷ் திலக் நடித்தது படத்திற்கு கூடுதல் சிறப்பு. இப்படத்தின் கதை மற்றும் வசனங்கள் மிக யதார்த்தமாக இருந்ததால் ரசிகர்கள் அனைவருக்கும் பிடித்துவிட்டது. நட்பு, காதல், கல்யாணம் , காமெடி என அத்தனை அம்சங்களும் சரியான விகிதத்தில் கலந்திருந்ததால் இளைஞர்கள் கொண்டாடி தீர்த்தனர்.
அக்சஸ் ஃபிலிம் பேக்டரி தயாரிப்பில் மெகா ஹிட் அடித்த இப்படத்தை தற்போது தெலுங்கு, கன்னடம், ஹிந்தி என மூன்று மொழிகளில் ரீமேக் செய்ய திட்டமிட்டுள்ளனர்.
சமீபத்தில் கூட டோலிவுட் சூப்பர்ஸ்டார் மகேஷ் பாபு தனது டிவிட்டர் பக்கத்தில், “ஓ மை கடவுளே சூப்பர்… இப்படத்தின் ஒவ்வொரு காட்சியும் ரசிக்கும் படி நேர்த்தியாக உள்ளது. இயக்குநர் அஷ்வத் அருமையா பண்ணியிருக்கீங்க, அசோக் செல்வன் நீங்க நேச்சுரலான நடிகர்” என படத்தை வெகுவாக பாராட்டி தள்ளியுள்ளார்.
Extremely excited for #OhMyKadavule to be selected to be screened at the prestigious International Indian Film Festival Toronto! Wouldn’t be possible without your love ❤️@AshokSelvan @dir_Ashwath @ritika_offl @vanibhojanoffl @leon_james @abinaya_selvam @SakthiFilmFctry pic.twitter.com/rHpjmsGQjO— Happy High Pictures (@HappyHighPic) August 4, 2020
இந்த நிலையில் “ஓ மை கடவுளே” படம் சர்வதேச கௌரவத்தையும் அடைந்துள்ளது. ஆகஸ்ட் 9-15 தேதிகளில் நடைபெற உள்ள சர்வதேச இந்திய திரைப்பட விழாவில் “ஓ மை கடவுளே” படம் திரையிட தேர்வு செய்யப்பட்டுள்ளது. இந்த மகிழ்ச்சியான செய்தியை “ஓ மை கடவுளே” படக்குழுவினர் ட்விட்டர் பக்கத்தில் ட்வீட் செய்துள்ளனர்.