சூர்யாவின் 2டி எண்டர்டெயின்மெண்ட் நிறுவனம் தயாரிக்கும் படம் ‘சூரரை போற்று’ . நெடுமாறன் ராஜாங்கம் என்ற கதாபாத்திரத்தில் சூர்யா பைலட் ஆபீஸராக நடித்துள்ளார். சுதா கொங்காரா இயக்கியுள்ள இப்படத்தில் சூர்யாவிற்கு ஜோடியாக அபர்ணா பாலமுரளி நடித்துள்ளார். ஜிவி பிரகாஷ் குமார் இசையமைத்துள்ளார். கருணாஸ், ஜாக்கி ஷெராப், மோகன்பாபு, பரேஷ் ராவல் என பல முன்னணி நடிகர்கள் முக்கிய கதாபாத்திரங்களில் நடித்துள்ளனர்.
கொரோனா ஊரடங்கினால் ரிலீஸ் தற்காலிகமாக தள்ளி வைக்கப்பட்டுள்ளது. இந்நிலையில் ‘சூரரைப்போற்று’ படத்தில் இடம்பெற்ற ‘காட்டுப்பயலே’ என்ற பாடலின் ஒரு நிமிட வீடியோ பாடல் வரும் 23ஆம் தேதி வெளியாகும் என்று அறிவிக்கப்பட்டுள்ளது.