“தளபதி விஜய்” நடித்து வெளிவந்த “தமிழன்” படத்தின் மூலம் தமிழ் திரையுலகில் இசையமைப்பாளராக அறிமுகமானவர் டி. இமான். தற்போது முதன் முறையாக சிறுத்தை சிவா இயக்கத்தில் சூப்பர் ஸ்டார் ரஜினி அவர்கள் நடித்து வரும் “அண்ணாத்த” படத்திற்கும் இவர் தான் இசையமைத்து வருகிறார். தொடர்ச்சியாக தான் இசையமைக்கும் படங்களில், புதிய திறமையான பாடகர்களுக்கு வாய்ப்புகள் வழங்கி வருபவர் இமான்.
இந்நிலையில் கனடா நாட்டின் சிறப்பு வாய்ந்த பல்கலைக்கழகமான டொராண்டோவில் செம்மொழி தகுதி பெற்ற தமிழ் மொழிக்கு என ஒரு இருக்கை அமைத்துள்ளது. டொரோண்டா தமிழ் இருக்கையின் தூதராக இசையமைப்பாளர் டி.இமான் நியமிக்கப்பட்டுள்ளார்.
இதற்காக பல பிரபலங்கள் அவருக்கு சமூக வலைத்தளங்களில் வாழ்த்துக்கள் தெரிவித்து வருகின்றனர்.
