தமிழ் சினிமாவில் இசையமைப்பாளராக அறிமுகமாகி ஹீரோ அவதாரம் எடுத்தவர் விஜய் ஆண்டனி. இவரது நடிப்பில் வெளியான பல படங்கள் ஹிட் அடித்தன. சமீபத்தில் வெளியான ‘கொலைகாரன்’ படத்தின் மாபெரும்வெற்றிக்கு பிறகு தற்போது மூன்று படங்களில் பணியாற்றி வருகிறார். ‘காக்கி’ , இயக்குநர் விஜய் மில்டன் இயக்கத்தில் ஒரு படமும், ‘மூடர் கூடம்’ இயக்குநர் நவீனின் இயக்கத்தில் ‘அக்னி சிறகுகள்’ என 3 படங்களில் நடித்து வருகிறார்.
இயக்குனர் சசி இயக்கத்தில், விஜய் ஆண்டனி நடித்து, தயாரித்து மற்றும் இசையமைப்பில் 2016ம் ஆண்டு வெளியான பிச்சைக்காரன் படம் ரசிகர்கள் மத்தியில் பெரும் வரவேற்பைப் பெற்றது.
இந்த நிலையில் ஊரடங்கு காரணமாக வீட்டில் முடங்கிக் கிடக்கும் விஜய் ஆண்டனி பிச்சைக்காரன் படத்தின் இரண்டாம் பாகத்திற்கான கதையை தானே எழுதும் வேலையில் ஈடுபட்டுள்ளார். இயக்குனர் சசி வேறு படங்களில் கமிட் ஆகி உள்ளதால், தானே கதை எழுதி வருவதாக கூறியுள்ளார்.
முதல் பாகத்தை விட இரண்டாம் பாகத்தை மிக பெரிய பொருட்செலவில் பிரமாண்டமாக தயாரிக்க திட்டமிட்டுள்ளார் விஜய் ஆண்டனி. இந்தப்படத்தை விஜய் ஆண்டனியே இயக்குவாரா இல்லை வேறு இயக்குனர் இயக்குவாரா என்பதை விரைவில் விஜய் ஆண்டனி வெளியிடுவார் என எதிர்ப்பார்க்கப்படுகிறது.