கொரோனா வைரஸ் தாக்கத்தினால் திரையரங்கு, மால்கள் என அனைத்தும் கடந்த இரண்டு மாதங்களாக மூடப்பட்டிருப்பதால் ரிலீசுக்கு தயாராக இருக்கும் சிறிய பட்ஜெட் திரைப்படங்கள் ரிலீஸாவதில் சிக்கல் ஏற்பட்டுள்ளது. மேலும் இன்னும் மூன்று மாதத்துக்கு திரையரங்குள் திறக்க வாய்ப்பில்லை என எதிர்பார்க்கப்படுகிறது.
இந்த நிலையில் படப்பிடிப்பு, போஸ்ட் ப்ரோடுக்ஷன் பணிகள் என அனைத்தும் முடிந்து ரிலீசுக்கு தயாராக இருக்கும் திரைப்படங்கள் (OTT) ஓடிடி ப்ளாட்பாரத்தில் ரிலீஸ் செய்ய திட்டமிடப்பட்டன. தமிழில் முதல் படமாக நடிகை ஜோதிகாவின் ‘பொன்மகள் வந்தாள்’ திரைப்படம் மே 29-ஆம் தேதி அமேசான் ப்ரைமில் வெளியாகும் என்று அதிகாரப்பூர்வமாக தகவலை படக்குழுவினர் அறிவித்துள்ளனர்.
இதனை அடுத்து மேலும் சில புதிய சிறிய பட்ஜெட் படங்கள் ஓடிடி (OTT) பிளாட்பாரத்தில் வெளியாகும் என சினிமா வட்டாரங்கள் தெரிவிக்கின்றன.