கிறிஸ் ஹெம்ஸ்வொர்த் நடிப்பில் சமீபத்தில் இணையதளத்தில் (OTT) வெளிவந்து உலகமெங்கும் சக்கை போடு போட்ட படம் தான் ‘எக்ஸ்ட்ராக்ஷன்’. இந்தியாவில் இருந்து கடத்தப்படும் சிறுவனை எப்படி மீட்கிறார் என்பதை இப்படம். இப்படத்தில் ரந்தீப் ஹோண்டா, பங்கஜ் த்ரிபாதி, பியான்ஷு பைன்யுல்லி, ருத்ராக்ஷ் ஜைஸ்வால் உள்ளிட்ட இந்திய நடிகர்களும் நடித்துள்ளனர்.
இந்த படத்துக்கு ரசிகரளிடமிருந்து கிடைத்த பிரம்மாண்ட வரவேற்பு குறித்து தனது இன்ஸ்டாகிராம் பக்கத்தில் கிரிஸ் ஹெம்ஸ்வொர்த் கூறுகையில், ” படத்தை பார்த்த அனைவருக்கும் நன்றி. இப்படத்தை பெரிய வெற்றி படமாக மாற்றிவிட்டீர்கள். இதனால் மகிழ்ச்சியில் திளைத்து இருக்கிறேன். இந்த படத்துக்கு இரண்டாம் பாகம் வருமா? என்று பலரும் என்னிடம் கேட்கின்றனர். அதற்கு என்னிடம் பதில் இல்லை ” என்று கூறினார்.
இந்த நிலையில் படத்துக்கு திரைக்கதை எழுதியுள்ள ஜோ ருஸ்ஸோ, இவர் தான் அவெஞ்சர்ஸ் படத்தின் இயக்குனரும் கூட. இவர் சமீபத்தில் ‘எக்ஸ்ட்ராக்ஷன்’ இரண்டாம் பாகம் வருவதை உறுதிப்படுத்தி உள்ளார். கதை பற்றி இன்னும் முடிவு செய்யவில்லை என்று தெரிவித்துள்ளார்
.