நான்-ஈ , பாகுபலி 1&2 போன்ற மெகாஹிட் படங்களை இயக்கி உலகம் முழுவதும் வரவேற்பையும், அங்கீகாரத்தையும் பெற்ற பிரம்மாண்ட இயக்குனர் ராஜமவுலி தற்போது தெலுங்கு திரை உலகத்தின் முன்னணி நடிகர்களான ராம் சரண் மற்றும் ஜூனியர் என்.டி.ஆரை வைத்து ஆர்.ஆர்.ஆர் என்ற திரைப்படத்தை இயக்கி வருகிறார். பிரபல பாலிவுட் நடிகை ஆலியா பட் இப்படத்தில் கதாநாயகியாக நடிக்கிறார்.
தெலுங்கு, தமிழ் , இந்தி, கன்னடம் , மலையாளம் என 5 மொழிகளில் வெளிவரும் இப்படத்தை காண உலகம் முழுவதும் உள்ள ராஜமௌலியின் ரசிகர்கள் மிகுந்த ஆர்வத்துடன் காத்திருக்கின்றனர்.
இந்நிலையில் இப்படத்தின் இயக்குனர் ராஜமௌலி RRR படத்தில் ஆலியா பட்டை தேர்வு செய்ததற்கான காரணத்தை கூறியுள்ளார். அதில்,
“இப்படத்தில் இரண்டு பெரிய நடிகர்களுக்கு இடையே போட்டி போட்டு நடிக்க நடிகை ஒருவர் தேவைப்பட்டார். இது முக்கோண காதல் கதை இல்லை. அவரின் கதாபாத்திரம்
மிகவும் அப்பாவியானதாகவும், ஆபத்தானதாகவும் இருக்கும். எனவே அதற்கு பொருத்தமானவர் ஆலியா பட் எனபதால் அவரை தேர்ந்தெடுத்தேன்” என கூறியுள்ளார்.