லோகேஷ் கனகராஜ் இயக்கத்தில் தளபதி விஜய் நடித்துள்ள படம் மாஸ்டர். இப்படத்தின் கதாநாயகியாக மாளவிகா மோகன் நடிக்கிறார். மேலும் விஜய் சேதுபதி வில்லனாகவும், சாந்தனு, ஆண்ட்ரியா, கௌரி கிஷன் ஆகியோர் முக்கிய வேடங்களில் நடித்துள்ளனர். அனிருத் இசையமைத்துள்ளார். சேவியர் பிரிட்டோ தயரித்துள்ள இப்படத்தை ஏப்ரல் 09 ரிலீஸ் செய்யவிருந்த நிலையில் கொரோனா வைரஸ் தொற்றால் படத்தை ரிலீஸ் தேதியை தள்ளி வைத்துள்ளனர்.
இந்நிலையில் இயக்குனர் லோகேஷ் கனகராஜ், நேற்று ரசிகர்களுக்கு சமூக வலைத்தளங்கள் மூலம் பதிலளித்தார். அதில் ரசிகர் ஒருவர் “மாஸ்டர் டிரைலர் ரிலீஸ் எப்போது” என கேட்க, “படத்தின் 30 சதவீத இறுதிக்கட்ட பணிகள் மீதம் இருப்பதாகவும், இதை முடிக்க 10-15 நாட்கள் ஆகும் எனவும், ஊரடங்கு தளர்த்தப்பட்ட பின்னர் படத்தின் மொத்த வேலைகளையும் முடிக்கப்பட்டு ரிலீஸ் தேதி அறிவிக்கப்படும். மேலும் ரிலீஸ் தேதி அறிவிப்பு பின்னரே டிரெய்லர் வெளியிடப்படும்” என தெரிவித்துள்ளார்.
மாஸ்டர் ட்ரைலர் ரிலீஸ் எப்போது ? பதிலளித்த இயக்குனர் லோகேஷ் கனகராஜ்
