சூப்பர் ஸ்டார் ரஜினிகாந்த் அவர்களின் ‘தர்பார்’ மிகவும் எதிர்பார்க்கப்பட்ட படமாகும். புதிய செய்திகளுக்காக ரசிகர்கள் மிகுந்த எதிர்பார்ப்புடன் காத்திருக்கின்றனர். ஏ.ஆர்.முருகதாஸ் இயக்கியுள்ள இந்த படத்தில் சூப்பர் ஸ்டாருக்கு ஜோடியாக நயன்தாரா நடிக்கிறார்.
போலிஸ் கதை உள்ளடக்கிய அதிரடி படம் என்று கூறப்படும் தர்பார், படத்திற்கு இசை இயக்குனராக அனிருத் ரவிச்சந்தர் இசையமைக்கிறார், தளபதி படத்திற்கு (1991) பிறகு சூப்பர் ஸ்டார் படத்தில் ஒளிப்பதிவாளராக சந்தோஷ் சிவன் பணியாற்றுகிறார். மேலும் படத்தின் எடிட்டிங்கை கையாளுபவர் ஸ்ரீகர் பிரசாத். இந்த படத்தை லைகா புரொடக்ஷன்ஸ் சுபாஸ்கரன் தயாரிக்கிறார்.
தலைவரின் இரண்டாவது தோற்றம் சில நாட்களுக்கு முன்பு வெளியிடப்பட்டது. இந்த தோற்றம் இணையத்தில் வைரலாகிய நிலையில், இயக்குனர் ஏ.ஆர்.முருகதாஸ் தற்போது படப்பிடிப்பில் இருந்து ஒரு வீடியோ ஒன்றை வெளியிட்டுள்ளார். இந்த வீடியோவை ஏ.ஆர்.முருகதாஸ் படம்பிடித்துள்ளார், அதில் தர்பார் குழு இடம்பெற்றுள்ளது. ரசிகர்களின் கண்கள் இந்த வீடியோவில் சூப்பர்ஸ்டாரை தேடுவது என்பது அனைவரும் அறிந்ததே.